Oxabi?
Anbotoko Mariren kobazuloa zaintzen zuen
suzko zezena zen Oxabi. Sarritan kobazulotik alde egiten zuen zaindari
bitxi honek, eta Marik, non zegoen jakiteko zintzarri bat jarri zion
lepotik zintzilik. Imajinatu sortarazten zuen zarata! Bada, gu ere
nahiko “zaratatsuak” gara eta… (irribarre)
Dantzetan ala kantetan.
Musikarik
gabe ez dago dantzarik, eta musika askok kantua du protagonista. Guri
dena nahastea gustatzen zaigu. Baina pertsonalki ari bazara, neuk
kantatzea nahiago.
Berbetan sarritan ere egiten duzu.
Ez da egia izango! (barre)
Bai.
Gustuko dut hitz egitea (zentzuz posible bada), baina hitz egiteko
entzun ere egin behar da. Biak uztartzea dut gustuko. Gainera neure lana
hori da. Beraz, hitz egiteagatik ordaintzen badidate… egin kontu!
Taldeko partaideen musika estilo gogokoenak...
Buf!
Leku onean sartu zara! Denetarik dugu taldean. Zazpi musikari gara eta
bakoitzak bere gustuak ere baditu, noski. Folk irlandarra, reggae-a,
rock eta folk euskalduna… baina baditugu punk-rock eta metal beltzenaren
zaleak! Kuriosoa da. Heterogeneotasun horrek ekarpen handiak egiten
dizkio taldeko musikaren kalitateari. Denetik ikasten dugu!
Egungo erromeriak plazetan gehiago, gutxiago...?
Krisiaren
aitzakiak gogor jo du herriko plazetan ere, baina zorionez geuk gero
eta kontzertu gehiago eskaintzen ditugu Euskal Herri osotik. Ez dago
erromeria bako jairik.
DJ-ak etorkizuneko berbenak izango dira?
Ezetz espero. Geuk erromeria + diskofesta formatua eskaintzen dugu. Bateragarriak dira, baina ez ordezkagarriak.
Oxabi erromeria nora eramango zenuke.
Gogotik
dantzatu eta kantatuz, bikain pasa nahi duen Euskal Herriko edozein
txokotara. Plazan daudenen adin tarteak geuri ez digu axola, giro sano
eta euskalduna badago, gainontzekoa geure esku!
Elkarrizketa honentzako kanta bat?
Nire erantzunak idazten egiten ari zaren lanagatik… “Hik lan eta nik jai!”.
Elkarrizketa jatorrizko webgunean ikusteko, klik hemen.